❤

تعبت انا اشكي
تعب حتى الحكي مني
ادري محد بيفهمني
كثر من افهمه ويفهمني
كل ما اسمع صدى ضحكته ابكي
معقوله بدأ ينسى من حبه وحبني
كثير اشياء حطيت فيها امل واخذلتني
الا هو ما توقعت ابد يهملني
تركني ابكي
تركني اشكي
تركني بسهري
وتركني بين دمعة قهر عيت لا تسري
ابد ما توقعت اني حمل ثقيل على قلبه وقلبي
طلعت انا اكثر هم شايله ولا يدري
وطلعت انا الخاينه بالزعل بدري
تركني بحيرتي وراح لديرته فجري
تركني اصحى بصرخه انادي بها امي
يمه كسرني من كان يجبرني
يمه نزل دمعتي بعد ما ضحكني
يمه حبيته اكثر من نفسي وتركني
يمه تصدقي احس بفقد امي وانتي جنبي
ليه يا يمه نزف جرحي
ليه عيا لا يبرر لي افعاله فعلي
ليه كثر ما حبيته ما حبني
زادت صرخاتي ولحد يسمعني
سمعت امي تنادي ابوي
قالها سمي
قالت له بصوتها المبحوح المبكي
وش فيها بنتي
رد صدى صوت ابوي لغرفتي
وش فيها عسولتي
زاد البكي بعيني
وعيت لا احكي
وش اقول وللحكي بحور في صدري
يبا عسولتك خذاها الموج الهادي ولا تدري
يبا اسفه حسبته بطيبة قلبك لكنه خذلني
أنا ادري وين اروح ولا ادري
احس بجسمي معي لكن وين نفسي
روحي هاجرت معه واتركتني
وما عاد احس بنبض قلبي بقلبي
وحياتي اصبحت تشابه زوايا غرفتي
اما عمري وش هو عمري
يوم ورا يوم انام بدري
وشهر ورا شهر يزيد امرضي
وسنه ورا سنه ما عدت اعرف انا نفسي
بهت لوني
شاب شعري
سودت جفوني
وحتى المرايا ما عادت تدلعني
كثير اشياء توقعتها تكسرني وانت من تجبرني
اشوفك دايم بجنبي تغنجني تغني لي تدلعني وتنومني
تشيل همي وتبتسم لي وما تخليني الا بعد ما تشوف مبسمي علي وجهي
انا ظنيت بك خير لكن خاب ظني
تذكر قد قلت لك بيوم انك اناني وزعلت مني
وش تسمي يوم انك تشيل همك وتروح بعيد عني
ما تواعدنا نقاسم بعضنا حتى بالاسامي
اشيل اسمك وتشيل اسمي
تعال جد وش هو اسمي ؟