*

مرات اتعمد ابتعد عن الاشخاص اللي احبهم وما اهتم لهم واخليهم اهم اللي كل مره يسألون عني

مو لاني مو قادره اهتم فيهم بس ما احب اشوفهم
مع غيري

*

‏اغار على اشياء مالي حق اغار عليها :(

*

قد الشوق اللي في داخلي لك ، عسى الله يحفظك
وين ما كنت .

*

الثقة ; أن تثق بنفسك قبل أن تثق بالأخرين ، وإن ما كتبه الله لك خير .

*

على سبيل السعادة ; اشعر بفرحك الآن .

*

بعيد وماخذ كل قلبي ، و كل ما التفت اشوفك 💜

*

رغم انه الحب من طرف واحد متعب الا انه قادر يسعدك بكلمة !

*

الشوق ; لما تحس انك بروح غير روحك .

*

أنا وقلبي وهواي مجنونك

*

ي بعد عمري لا قال
واشلونك ؟
وش سويت بيومك ؟
يفرح قلبي
و ياخذ من فرحتي بسمه
واخذ من بسمته كلمه ;

" احبك وتهمني علومك وانا وش دنياي من دونك "

*

تعال ; ابي اشتكي لك منك .

*

يا شايل الهموم ترا همك ما راح يدوم

*

تالي الليل تغمض عيون الناس إلا عيون العشاق اما حبيبه مفارقه ، او مشتاق لضمته ، ولا سعيد بمسكت ادينه .

*

- نوم العوافي * ي عيونه '

*

جرب تكون لي دنيا ، واكون لك كون .

*

جرب تحب من قلبك
جرب تعطي اكثر من ما تاخذ
جرب تبوح باللي بخاطرك بدون قيود
جرب تضحي وتكون حياتك لغيرك

'
بإختصار "جرب تعيش" بس مع اللي يحبك 👌

*

في ناس ودك تقولهم اسف على اهتمامي ، فيكم وشكراً لــ برود احساسكم .

*

المواقف ; هي اللي تبين قدرك عند الناس 👌

*

ابتسم بوجه عدوك عشان يحس بالندم :)

*

‏اعترف اني تغيرت عن اول وصرت اعرف اكثر
اعترف اني قسيت واني حبيت و ولهت
واني للحين ما كبرت وبديت اصغر

اهم شي الاخيره :)

*

بديت اصدق انه لكل واحد فينا وجه ثاني عكس شخصيته المتعارف عليها ولحد ينكر ✋

*

في ناس اذا تقربت منهم يا اما يكبرون بعينك
او يصغرون .

ينطبق عليها مثل ; " اللي ما يعرفك ما يثمنك "

*

اجمل ايام حياتك لا تضيعها بهموم اكبر من عمرك 💜

*

ما احتاج شخص ينصحني احتاج شخص يفهم شنو ابي ويساعدني حق اللي ابي اوصل له واطمح له

*

مرات نحتاج نقول لهم اللي بقلوبنا بس للاسف مو كل شيء نقدر نقوله

*

أحبك في شمال الكون وفي شرقه وغربه وجنوبه أحبك وين ما تكون .

*

من قده لا صار قلبي مغرم فيه 💜

*

‏داريته بقلبي قبل لا عيني تداريه :(

*

اليوم ; سأمسك يدك و اخذك لعالمك

نعم .. عالمك
لأنه سيصبح عالمي أيضاً ..

لا تقلق سأعيش معك كيفما تريد
أنا أريدك أنت لا أريد ما تملك !

#مشهد

*

كل ما ناديته وقال يا عيونه ، نسيت بعدها وش كنت بقول .

*

ودي ابوح لكن خايف لا بحت روحي تروح

*

كل كلام الحب لغيرك حرام

*

كل بسمة من شفاتك لغيري ما هي بحلال .

-

كل بسمة من شفاتك لغيري ما هي حلال .

*

الواسطه تضيع مستقبل ناس وترفع مستقبل ناس ثانيه✌

*

شفت طعم القرب شلون محبوب

*

قول ما ابيك وشوف وش بيصير بي

*

تبقى البعيد اللي من قلبي قريب

*

تبقى روحي تحاكي روحك ، تشكي لها عن وجع جروحك .

*

تبقى لي
حتى لو قلبك ما عرف قدري

تبقى لي
واشوف في عيونك مسكني

تبقى لي
حتى لو ما اعترفت لي تبقى لي

*

خلك جريء واعترف لي
بكل كلمه قلتها بقلبك
وكانت لي

بكل احساس حسيته اتجاهي
و ما عرفت واشلون
تقوله لي

#اعترف لي

*

‏في بنات اشوف فيهم روح فيفي عبده :) ترا حدج تفشلين عيب اثقلي شوي 😒

*

بقربك اعيش اجمل ايام العمر

-

الخوف ; احياناً يضيع عليك فرص عمرك ما راح تحلم فيها .

*

يتغلى ،، ما يدري خطواتي ترجع معه 🌸

*

مرات ; تخسر شخص عزيز على قلبك مو لانك اهملته بس لانك اهتميت له اكثر من اللازم 👌

*

ودي يكون عندي صندوق صغير فيه كائن غريب

كل ما ابي اسولف افتح الصندوق واطلعه ونجابل بعض واسولف له ويقولي ي حياتي ماتستاهلين اللي يصير فيج 😿

*

مرات ودك تروح لشخص معين وتقوله " انا مو غالي عندك لهدرجه " ؟

*

‏يا رب لي غائب بعيداً عن عيني قريباً لــ قلبي أسميته بنفسي احفظه وكن معه واسعده اينما كان .

*

يا شمساً ، أشرقتي اليوم كالأمسي و افرحتي نصفي الاخر و ابتهجتي بأركان قلبي .

*

يا شسماً ، أشرقتي اليوم كالأمسي و افرحتي نصفي الاخر و ابتهجتي بأركان قلبي .

*

أنا مازلت أراك أقرب لي من نفسي ، رغم إنك بالحقيقة البعيد الذي لا يُرى !

*

أنا لا أكتب إلا حين أحب ، حين أشتاق للحب
وحين أرى ما لا يراه !

*

دائما ما نتبادل الورد ، ربما يجمع ما بداخلنا و يقرب
المسافات بيننا ، وربما يجعلنا بمدار واحد
نلتقي كلما حاولنا الهرب منا !

*

أنا فارغه ، لذ'لك سأغمض عيناي كي لا أراك , كي لا يتسنى لي التفكير بك ..!

*

تفاصيل الحديث معك ، تشبه ملامح الإعجاب .

*

ليتنا نقتنع بما نملك ، بما يقدم لنا ، بما تأتينا به الفرص ، ليتنا ندرك معنى ليتنا !

*

احياناً تأتيك بعض احلامك على طبق من ذهب ، و لكنك مازلت ترغب برغيف الخبز المغلف بورق الجرائد !

*

جميل هو الصباح عندما يكون برفقة من ترتاح لهم الانفس .

*

الناس تدور حبايبها بالشتا ، وانا ابيك على مر السنين بصيفها وشتاها .

*

مهما ما كان عمرك راح تلقى نفسك تتصرف تصرفات يهال بس تقعد مع ناس ترتاح لهم 😂

*

يسعون لتدميرك ، ومن ثم يعتذرون .

*

يحسبون الحب على الكيف والمزاج
ما دروا انه من الله يجي

من أحبه الله ، أحبه الخلق 👌

*

عمرك ما راح تحب الحياة اذا ما حبيت فيها احد 👌

*

الحياة حلوه ، وتحلى اكثر بقرب اللي نحبهم .

*

تدرون منو اللي يستاهل كلمة #صديق ؟

هو اللي يدافع عنك ويجذب الناس ويصدقك ويحاسبك بعدين 🏃😂

*

‏العناد ; اخوي من امي و ابوي 😌✋

*

في ناس كل ما يطيحون من عيونا ، يخلق لهم القلب عذر .

*

هذا احنا كل يوم ناخذ درس محترم
علي طيبتنا وحسن نيتنا :(

*

‏انا ودي اكون ...

ليش ودك تكون ليش ما تكون مثل ما تبي ليش تتمنى شيء انت قادر عليه ليش قاعد تأجله وتنطر احد يغيرك
غير نفسك وابدأ من هاللحظه👌

*

وهذا احنا كل يوم ناخذ درس محترم علي طيبتنا وحسن نيتنا ،

*

اذا حاولت تسعد غيرك وتفرح قلبه - لا تنسى نفسك .

*

يسعون لتدميرك ، ومن ثم يعتذرون .

*

يتركون الحقيقة بداخلك ، و يصدقون ظنونهم .

*

البشر نوعين ;

النوع الاول بلسم والثاني شامبو 😜

*

اهتمامك الزائد بهم علمهم معنى الكبرياء

*

اشتقت لمن كان قريباً مني ، واخذته الدنيا بعيداً عني .

*

ببقى أحبك طول ما أنا في داخلك عايش

*

الشخص اللي تحبه فيه كمية جمال محد يشوفها غيرك

*

‏يقول مشتاق و اتدهور بشويش
يعيدها مليون مشتاق مشتاق لك

واقول ارفق بحالي ولاتسألني ليش
انا المحروم ولا ظنت اني في بالك

*

من احب بحق فلا يحب ان يكون سوى لقلب احبه

*

الحين اللي عنده حب ليش يدور على حب ثاني خل يشتري فستق ترا احلى 😂

*

‏قلبي 💔 كان بيوقف بس مشى الحمد لله 😂

*

ما تحتاجه المرأة احياناً هو تخليها عن عاطفتها

*

غروري هو من جعلني احبك فهل لي قليلاً من تواضعك .

*

‏و أحبك ، كثر من غار من حبي لك و لا يعرف يطوله .

*

صفحتك واضحه ما تحتاج شرح
الدنيا تعطيك وتاخذ من خيرك
اضحك موضوعك ما يحتاج طرح
ياما شفنا بكاك على وجه غيرك

*

و أحبك ، كثر ما غاروا من حبي لك و لا يعرفون يطولونه .

*

أحبه ، كثر ما غيري يشوفه وانا محروم من شوفه .

*

الشخص اللي تحبه فيه كمية جمال محد يشوفها غيرك 😍

*

خيالك قادر يحلي كل هالكون بعيني 💜

*

اخشى عليك من نفسي 💜

*

الغباء درجات في غباء ما يرحمك لو تفهمه مني لباجر الغبي غبي

*

الناضج ; شخص قادر على التخلي عن اشخاص هو بحاجتهم .

*

نعرف نغيب مثلهم لكن ما نعرف نشتاق لغيرهم

*

تدري في ثلاثه يشبهونك
السعاده ، المطر والعافيه

*

احيانا قرب بعض الاشخاص لك شر تبتعد عنهم ،
لكن .. اذا كان هالشر بشخص تحبه 👇

عسى الله يبعد الشر ويبقى معاك .

*

انا ابتديت فيك واذا انتهيت برجع ابتدي فيك 💜

*

انت فيني و مني و لي أنا

*

ما هقيت قلبي يحبك هالكثر

*

القلب لا حب يحب له واحد وانت وحيد قلبي لاخر انفاسي

*

وكل ما حسبت وش كثر احبك اخربط بالعد
وارجع احبك من جديد .

*

تبسم ، خل العالم يتبسم 🙈

*

الطفل اللي بداخلك مكتوب لي و يا حظي بطفل مثلك 💜

*

ما اشوفك ، انت في داخلي عايش .

*

جعل عينك ما تشوف الهم ، جعلني فدا هالمبسم .

*

ألوم الهوى لا اخذ من انفاسك عمر ، أنت العمر اللي امتزج بأنفاسي مثل المطر .

*

و ألوم الهوى لا اخذ من انفاسك عمر ، أنت العمر اللي انكتب بأنفاسي دهر .

*

انا ما اذكر اني نسيتك عشان اذكر
انا اذكر اني نسيت لا احبك اكثر

*

منت اول شخص عرفته لكنك اول شخص عرفني

*

يطري علي مبسمك و اتبسم

*

انا وصلت لمرحله عادي اخسر فيها ناس عشان مو قادره اجاملهم ✋

*

وكل ما جيت ابي اسال عليك يصرخ بوجهي واقعي ما يبيك

*

‏اشتقت لتفاصيل يومك ، لضحكتك و لجنونك .

*

‏اعترف| لو عندي شوية صبر جان ما اعاني من اي مشكله :(

*

انا فاضيه بكل وقت حق اللي احبهم اما اللي ما احبهم حتى لو فاضيه ترا مو فاضيه 💅🙊

*

انا ما احس نفسي غبيه الا لما اسولف مع اخوي يعيد لي نفس السالفه عشر مرات #خلاص والله فهمت 😢

*

ناس تسهر على شي يسوى وانا اسهر على ذكرى :(

*

‏انت اجمل من كلام الناس عنك

*

في ناس تتندم اذا جاملتها تصير لك نشبه

*

محتاجين ناس تنقل لنا اخبار الناس اللي نحبها بس ما يعرفونا ولا نعرفهم

*

اكثر الناس تحب الشخص الطيب وما تدري شكثر يعاني هالطيب من طيبته .

*

الشي اذا زاد عن حده ينقلب ضده "

حتى الشوق اذا زاد يخليك تسوي اشياء
عمرك ما فكرت تسويها !

*

مره وحده بحياتك !

بيجيك شخص يسعدك ، و يكون وياك بكل خطوه ، و معاه بتتغير شخصيتك للاحسن ، فلا تطوف هالفرصه عليك وتمسك فيها .

*

أنت تدور عن أحد ما تبي تعيش من غيره ، وهو مو موجود بحياتك .

*

‏في ناس من كثر ما تلف وتدور راح تموت دايخة 😂

*

‏انت محتاج احد كان موجود و ما راح يرجع ، و ما راح تعرف تلقى مثله اصلا .

*

حبوا بس لا تتعلقون بأحد

*

يمكن تنحب من وايد اشخاص وانت تحبهم

بس لازم يكون في شخص بقلبك يفرق عنهم كلهم و ابسط الاشياء منه تسعدك حتى لو بس نطق اسمك 🙈

*

في ناس ما يستاهلون نفكر فيهم ولا نشغل بالنا عليهم بس شنسوي بقلوبنا وطيبتنا :(

*

شايف الكون كله كيف فيك مبسوط
على قد هالفرح الدمع ملا .. عيني

لك شعور بداخلي صافي و مخلوط
فرحان لك ، لكن الحزن باقي فيني

*

اشوفك ساهي ومو مع فرحك
تطمن أنا بخير وجداً فرحت لك

*

قد لا تطرق الأفراح أبوابنا ، لكنها قد تطرق أبواب من أحببناهم فــ نفرح لأفراحهم و نسعد لــ سعادتهم .

*

ليتني اقدر اقولك ألفين مبروك
صبرت ، صبرت و نلت ما بغيته

اسمع اصوات الفرح ببيت ابوك
بنيت حلمن و نلت ما بنيته 💜

*

في فرحتك مقدر اكون معك
لكن دعوتي ... بتوصلك
عسى الفرح دايم الدوم وياك
وعسى ربي دايم يسعدك 💜

*

ما كرهت احد بس خاطري طاب ✋

*

وان جيت ادور لك عذر مالقيت وان رحت عنك ادور من أنا

*

تظن اني ما اشتاق لك ، ما اذكرك واني تناسيتك .. لا تاخذك بعض الظنون و اسألني من تكون .

*

تخيلتك تناديني ، و صديت .. لقيت في داخلي لك صوره و صوت ما ينفع لهم لا شيخ ولا دكتور !

*

لما تفقد الشخص اللي تحبه تحس انك فاقد نفسك 😔

*

جزء من حياتك راضي عن حياتك والجزء الثاني مو معاك اصلاً :(

*

انا وحده قنوعه لدرجه اني اتخيل الشخص اللي احبه وابتسم له واحسه يبتسم لي اذا ما خاب ظني 🙈🙉🙊

*

مستانس انه عندك اللي يسعدك دايما

انزين عليك بالعافيه بس ترا لا غاب عنك بيقتلك غيابه فلا تتعلق فيه اكثر من اللازم ولا بتصير السعاده تعاسه 👌

*

‏تدري ؟ لا مر طيفك في هواي ادور الحاجه وهي بين اديني 💜

*

في ناس بس يبتعدون عنك يبينون على حقيقتهم و وقتها تحس بالندم و تسأل نفسك اشلون تعرفت على هالاشكال 😒

*

في كلام يدش قلوبنا قبل حتى لا نسمعه :)

*

كل ما نحاول نتجاهل تعلقنا فيهم نلقى انفسنا تعلقنا فيهم اكثر :(

*

بحياتك تقدر تغير رايك بأي شي تواجه بس للاسف الشيء الوحيد اللي ما تقدر تغيره اهو الشيء اللي اختاره قلبك :(

*

بديت انسى ناس كانوا ما يفارقون ذاكرتي لحظه وحده

*

مو كل اللي بعيد عن عينك بعيد عن قلبك ، في ناس بعيدين عن العين ومسيطرين سيطرة كامله على قلبك

فراق

ممكن انك تنسى شخص حبيته من كل قلبك والنصيب ما كتب لكم تكملون باقي العمر مع بعض بس مستحيل تنسى شخص اجرحك قبل حتى لا يبين النصيب !

فراق

مشتته ولا اعرفني جيداً ، رؤية عيناك أيقظت بي لهيب الشوق بعدما تناسيتك اعوام !

احببتك جدا

أحببتك جداً ،
حتى أكرهتني بك على هيئة حب ،

أحببتك جداً ،
حتى كسرتني ولملمت روحي بحبك ،

أحببتك جداً ،
حتى انسيتني نفسي وتذكرتك أنت ؟!

فراق

الحب الاول يصعب تناسيه وان هبت رياح خفيفه منه عصفت وزلزلت اركان القلب .

فراق

يصعب علي فراقك ، و يحلو لي قربك وأنا بين الإثنين دائماً اظهر العكس !

فراق

اصعب شيء بالحياة انك تخدع نفسك بالنسيان وتتجاهل مشاعرك الحقيقه اتجاه اعز و احب انسان لقلبك !

*

وش بلاك تحسب علي بعض التغاريد
ترا غلاك اكبر من حروف تويتر الـ١٤٠

والله اني أحبك وادور علومك من بعيد
وان كنت زعلان للحين تعال واخذ هالوردتين

-

تو المساء ينشدني عن عيونك
ما يدري انك ،، بوسط صدري

لك قلب يحبك صدق و يصونك
حتى لو انت كنت ما تدري !